Lengi getur vont versnað

Jæja, þar kom að því. Núna væri best ef allir Íslendingar gætu pakkað saman, farið af landi brott og skilið ríkisstjórnina eftir í skuldunum. Við fáum hvort eð er engu ráðið. Hvorki um okkar eigin framtíð né barnanna. Þessi biti festist í kokinu á mér.

Lengi getur vont versnað

Fyrsta bloggfærsla

Ég sit heima í veikindafríi og er að hugsa um allt það sem gengið hefur yfir okkur að undanförnu.    Ég komst að þeirri niðurstöðu að það versta sem við getum gert er að vorkenna okkur og væla yfir aðgerðarleysi stjórnvalda. Við getum lítil áhrif haft á hvað þau eru að gera. Frændþjóðir okkar og stofnanir sem sérhæfa sig í að aðstoða þjóðir sem lenda í álíka vanda og við erum í, eru að reyna að hjálpa okkur. Leyfum þeim að vinna vinnuna sína.

Við þurfum samt ekki að sitja með hendur í skauti. Það eru margir atvinnulausir í dag. Við getum sameinað krafta okkar og byggt upp okkar eigin heimilisiðnað eða aðra atvinnustarfsemi á meðan ekkert annað bíðst. Virkjum okkur og hjálpum okkur sjálf. Gerum lista yfir það sem hægt er að gera og finnum okkur samastað, ræðum málið og framkvæmum. Þetta er mín uppástunga. Hverjar eru ykkar?

Kveðja "haltur"